سلطه بالسكر

وملحوظة هامةجدااا ممنوع وضع اى توابل يعنى لاكمون ولا شطة ولا اى حاجة غير اللى هقولكم عليها
اول حاجة بتعمليها هاتى حوالى 3 بصلات كبار وقطعيهم شرائح رقيقة وادعكيهم بالملح كويس جدا واشطفيهم بالمية وصفيها كويس وحطى عليها ربع كوب خل وسيبيها من ربع الى تلت ساعة
وابتدى قطعى الخضراوات وحطى كل اللى تقدرى عليه حوالى 3 حبة طماطم وفلفل بجميع الوانه وده اساسى وبروكلى وخس الكابوتشا وجزر مبشور وخيار واوعى تحطى بقدونس وبعد كده ضيفى البصل بالخل عليهم وضيفى ربع كوب ماء فيه حوالى 3 معالق كبيرة سكر ونزلى السكر حتى لو مش دايب فى المية هيدوب فى السلطة وقلبيهم مع بعض واتركيهم نص ساعة او اكتر فى الثلاجة
وهتاكلى سلطة تحفة وولادك هيحبوها اوى
والف هنا وشفا مقدما